04 July 2012 ម៉ៃ ទិត្យថារ៉ា
កំពង់ស្ពឺៈ កម្លាំងចម្រុះប្រមាណជា៥០នាក់កាលពីថ្ងៃម្សិលមិញ បានធ្វើការចុះបង្រ្កាបទីតាំងសង្ស័យផលិតគ្រឿងញៀនដ៏ធំមួយកន្លែង នៅក្នុងភូមិកូនត្រុំ ឃុំអូរ ស្រុកភ្នំស្រួច ដោយរឹបអូសសារធាតុគីមីបានចំនួន ៨២ប៊ីដុងនិងឧបករណ៍ផលិតគ្រឿងញៀនជាច្រើនទៀត។
លោក ចាន់ ដា មេបញ្ជាការរងកងរាជអាវុធហត្ថខេត្តកំពង់ស្ពឺដែលបានចុះបង្ក្រាបទី តាំងផលិតគ្រឿងញៀននោះបានឲ្យដឹងថា អាជ្ញាធរបានសហការជាមួយព្រះរាជអាជ្ញាដើម្បីធ្វើការបិទទីតាំងដែល ជាកន្លែងសង្ស័យ ផលិតគ្រឿងញៀននោះកាលពីថ្ងៃទី១ ខែកក្កដា បន្ទាប់ពីមានកម្មករជាជនជាតិខ្មែរជាអ្នកយាមឃ្លាំងធុំក្លិនមិន ល្អភាយចេញពីក្នុងឃ្លាំង បានមកប្តឹងសមត្ថកិច្ច។ លោក បានឲ្យដឹងថា ៖ «បន្ទាប់ពីការឆែកឆេរ យើងសង្ស័យថាកន្លែងនេះធ្លាប់បានផលិតគ្រឿងញៀនហើយនាំចេញម្តង ឬពីរដងរួចទៅហើយ ពីព្រោះនៅពេលឆែកឆេរឃើញសុទ្ធតែកំណក ហើយម្សៅសមួយចំនួនត្រូវបានពួកគេកប់នៅក្នុងដី»។
លោកបាន ឲ្យដឹងទៀតថា នៅក្នុងយុទ្ធនាការចុះឆែកឆេរនោះកម្លាំងចម្រុះបានរកឃើញប៊ីដុងជ័រ ខៀវផ្ទុកសារធាតុគីមីចំណុះ១០០លីត្រចំនួន៧១ និងប៊ីដុងចំណុះ៥០ លីត្រចំនួន១១ ម៉ាស៊ីនសម្ងួតចំនួនបួន កែវបាឡុងនិងឧបករណ៍សម្រាប់ផលិតមួយចំនួនទៀត។
លោក ចាន់ ដា បានមានប្រសាសន៍ថា នៅក្នុងទីតាំងនោះកាលពីមុនជាកសិដ្ឋានចិញ្ចឹមជ្រូក តែក្រោយមកមានជនជាតិចិនតៃវ៉ាន់ ជនជាតិស្បែកសនិងកូឡុំប៊ី បានមកជួលដោយយកលេសថាចិញ្ចឹមជ្រូក ហើយជាងមួយខែមុនមានកុងតឺន័រមួយគ្រឿងបានដឹកឧបករណ៍ដែលផលិត សារធាតុញៀនចូលក្នុងកសិដ្ឋាន ហើយបានប្រាប់អ្នកយាមឃ្លាំងថា ជាឧបករណ៍សម្អាតកសិដ្ឋានចិញ្ចឹមជ្រូក ហើយអ្នកបច្ចេកទេសរបស់ពួកគេតែងតែមកពិនិត្យមើល៤ទៅ ៥ថ្ងៃម្តង។ លោក បានឲ្យដឹងទៀតថា៖ «យើងនៅមិនទាន់បានឃាត់ខ្លួនជនសង្ស័យទេ ហើយយើងកំពុងតែទាក់ទងម្ចាស់ដីដើម្បីមើលឯកសារជួល តែយើងបានដឹងអត្តសញ្ញាណជនទាំងនោះមួយចំនួនហើយ»។
លោក បានបន្ថែមថា នេះជាករណីបង្ក្រាបបទលើ្មសទ្រង់ទ្រាយធំលើកទីពីរហើយនៅ ក្នុងខេត្តកំពង់ស្ពឺ ដែលការបង្ក្រាបលើកទីមួយនៅក្នុងឆ្នាំ២០០៧ សមត្ថកិច្ចចម្រុះបានចុះឆែកឆេរនៅទីតាំងផលិតគ្រឿងញៀនមួយនៅឃុំ ត្រែងត្រយឹង ស្រុកភ្នំស្រួច ខេត្តកំពង់ស្ពឺ ដែលមានចម្ងាយពីទីនេះប្រមាណជា២គីឡូម៉ែត្រ ហើយបានប្រទះឃើញម៉ាស៊ីនផលិតគ្រឿងញៀន ម៉ាស៊ីនកិន និងសារធាតុលាយផ្សំមួយចំនួនដែលបញ្ជាក់ថា ទីតាំងនេះផលិតគ្រឿងញៀនមេតំហ្វេតាមីន។
កម្លាំងប៉ូលិស ប៉េអឹមប្រមាណជា៥០នាក់ត្រូវបានពង្រាយហ៊ុមព័ទ្ធទីតាំងដែលសង្ស័យ ថាជាកន្លែងផលិតគ្រឿងញៀននោះចាប់តាំងពីម៉ោង ៣ រសៀលថ្ងៃទី២ ខែកក្កដា រហូតដល់ម៉ោង ៩និង ៣០នាទីព្រឹក ថ្ងៃទី៣ ខែកក្កដាទើបអាជ្ញាធរចម្រុះបានចាក់សោរបងរបស់កសិដ្ឋានដើម្បីធ្វើ ការឆែកឆេរ ដោយនៅក្នុងបរិវេណកសិដ្ឋាននោះមានរោងធ្វើអំពីឥដ្ឋចំនួន៥ល្វែង ដែលផ្ទុកឧបករណ៍និងសារធាតុផ្សំផលិតគ្រឿងញៀន។
លោកម៉ែន សុផល នាយការិយាល័យបច្ចេកទេសនៃមន្ទីរប្រឆាំងគ្រឿងញៀននៃក្រសួងមហាផ្ទៃ ដែលបានចុះធ្វើការពិនិត្យ បានឲ្យដឹងថា តាមធ្វើការពិនិត្យសារធាតុផ្សំគ្រឿងញៀនជាច្រើន អាចសន្និដ្ឋានបានថាទីតាំងនេះ គឺជាកន្លែងផលិតគ្រឿងញៀនមេតំហ្វេតាមីន ហើយអាចធ្លាប់ផលិតនាំចេញ១ឬ២លើករួចទៅហើយ។ លោកបានឲ្យដឹងទៀតថា ៖ «អ្វីដែលយើងបារម្ភ គឺសារធាតុផ្សំដែលពួកគេបានចាក់កប់ចូលទៅក្នុងដីវាអាចបង្ក គ្រោះថ្នាក់»។
លោក មានប្រសាសន៍ថា កម្មករដែលធ្វើការនៅក្នុងកសិដ្ឋាននោះមិនស្គាល់ជាតិគីមីផលិត គ្រឿងញៀនទេ គាត់មានអាការហើមមុខក៍ទៅរកពេទ្យមើល ហើយពេទ្យថាពួកគេត្រូវរងនូវសារធាតុគីមីទើបពួកគេប្តឹងសម្ថកិច្ច ឲ្យចុះទៅត្រួតពិនិត្យ។ លោក បន្តថា ៖«ការភាយក្លិនចេញពីក្នុងកសិដ្ឋាននោះ គឺវាធ្វើឲ្យប៉ះពាល់សុខភាពផងដែរ ដូច្នេះពលរដ្ឋដែលរស់នៅក្បែរៗនោះត្រូវតែចៀសវាងការប្រើប្រាស់ ទឹកនៅក្បែរនោះ»។
ប្រាង រ៉ា អាយុ ៣០ ឆ្នាំ ដែលរស់នៅក្បែរកសិដ្ឋានចិញ្ចឹមជ្រូកបានឲ្យដឹងថា ក្រុមហ៊ុននេះទើបតែចាប់ផ្តើមធ្វើរបងអំពីឥដ្ឋប្រហែលជាជិត២ខែ ប៉ុណ្ណោះ តែគាត់មិនដឹងថាពួកគេធ្វើអ្វីនោះទេ ឃើញធ្លាប់មានកុងតឺន័រមួយធ្លាប់បើកចូលក្នុងបរិវេណកសិដ្ឋាន ប៉ុន្តែនៅក្នុងកសិដ្ឋាននោះពុំឃើញមានកម្មករច្រើនទេ។ អ្នកស្រី បានឲ្យដឹងថា ៖ «ខ្ញុំទើបតែដឹងថាអ្វីដែលធ្វើឲ្យគ្រួសារខ្ញុំរមាស់ គឺដោយសារតែសារធាតុគីមីចេញពីខាងក្នុងកសិដ្ឋាន ដែលត្រូវបានប៉េអឹមគេចុះមកហ៊ុមព័ទ្ធ កាលពីថ្ងៃម្សិលមិញ ពីមុនខ្ញុំស្មានតែកម្ទេចដែលធ្លាក់មកពីដំបូលផ្ទះ ខ្ញុំមិនដឹងសោះថាជិតផ្ទះខ្ញុំគឺជាកន្លែងផលិតគ្រឿងញៀន»។
គុជ រី អាយុ ៤៥ ឆ្នាំ ដែលជាអ្នកយាមដីនិងឃ្លាំងបានឲ្យដឹងថា ខ្លួនទើបតែមកយាមដីឲ្យគេបានចំនួនជិត២ ខែប៉ុណ្ណោះបន្ទាប់ពីរូបគេបានធ្វើរបងឲ្យកសិដ្ឋានរួចរាល់ហើយ។ ម្ចាស់ដីរបស់លោក គឺលោកឧកញ៉ាសុខ រ៉ាថន តែលោកពុំបានដឹងថានៅក្នុងកសិដ្ឋាននោះគេធ្វើអ្វីនោះទេគឺគេ គ្រាន់តែប្រាប់ថាចិញ្ចឹមជ្រូក។ លោក បានឲ្យដឹងថា ៖ «ខ្ញុំពុំបានដឹងថាកន្លែងខ្ញុំជាកន្លែងផលិតគ្រឿងញៀនទេ ពីព្រោះចិនគេប្រាប់ថាឧបករណ៍ទាំងអស់គឺសម្រាប់ចិញ្ចឹមជ្រូក»។
លោក ខៀវ សាម៉ន ប្រធានមន្ទីរប្រឆាំងគ្រឿងញៀននៃក្រសួងមហាផ្ទៃបានឲ្យដឹងថា លោកមិនទាន់ហ៊ានសន្និដ្ឋានថាទីតាំងនោះជាទីតាំងសង្ស័យផលិតគ្រឿង ញៀននៅឡើយទេ ពីព្រោះអ្វីៗស្ថិតនៅក្នុងការពិនិត្យនឹងកោសល្យវិច្ច័យនៅឡើយ ដូច្នេះប្រសិនបើហ៊ានធ្វើការសន្និដ្ឋានមុនវាធ្វើឲ្យប៉ះពាល់ ដល់កិត្តិយសរបស់គេ។ លោកបានឲ្យដឹងថា ៖ «វាគ្រាន់តែជាសារធាតុគីមី ដូច្នេះយើងមិនដឹងថាវាជាស្អីទេ សារធាតុគីមីជាច្រើនទើបអាចផ្សំជាគ្រឿងញៀនបាន»។
លោក សុខ រ៉ាថន មិនអាចទំនាក់ទំនងសុំធ្វើអធិប្បាយបានទេកាលពីម្សិលមិញ៕
កំពង់ស្ពឺៈ កម្លាំងចម្រុះប្រមាណជា៥០នាក់កាលពីថ្ងៃម្សិលមិញ បានធ្វើការចុះបង្រ្កាបទីតាំងសង្ស័យផលិតគ្រឿងញៀនដ៏ធំមួយកន្លែង នៅក្នុងភូមិកូនត្រុំ ឃុំអូរ ស្រុកភ្នំស្រួច ដោយរឹបអូសសារធាតុគីមីបានចំនួន ៨២ប៊ីដុងនិងឧបករណ៍ផលិតគ្រឿងញៀនជាច្រើនទៀត។
លោក ចាន់ ដា មេបញ្ជាការរងកងរាជអាវុធហត្ថខេត្តកំពង់ស្ពឺដែលបានចុះបង្ក្រាបទី តាំងផលិតគ្រឿងញៀននោះបានឲ្យដឹងថា អាជ្ញាធរបានសហការជាមួយព្រះរាជអាជ្ញាដើម្បីធ្វើការបិទទីតាំងដែល ជាកន្លែងសង្ស័យ ផលិតគ្រឿងញៀននោះកាលពីថ្ងៃទី១ ខែកក្កដា បន្ទាប់ពីមានកម្មករជាជនជាតិខ្មែរជាអ្នកយាមឃ្លាំងធុំក្លិនមិន ល្អភាយចេញពីក្នុងឃ្លាំង បានមកប្តឹងសមត្ថកិច្ច។ លោក បានឲ្យដឹងថា ៖ «បន្ទាប់ពីការឆែកឆេរ យើងសង្ស័យថាកន្លែងនេះធ្លាប់បានផលិតគ្រឿងញៀនហើយនាំចេញម្តង ឬពីរដងរួចទៅហើយ ពីព្រោះនៅពេលឆែកឆេរឃើញសុទ្ធតែកំណក ហើយម្សៅសមួយចំនួនត្រូវបានពួកគេកប់នៅក្នុងដី»។
លោកបាន ឲ្យដឹងទៀតថា នៅក្នុងយុទ្ធនាការចុះឆែកឆេរនោះកម្លាំងចម្រុះបានរកឃើញប៊ីដុងជ័រ ខៀវផ្ទុកសារធាតុគីមីចំណុះ១០០លីត្រចំនួន៧១ និងប៊ីដុងចំណុះ៥០ លីត្រចំនួន១១ ម៉ាស៊ីនសម្ងួតចំនួនបួន កែវបាឡុងនិងឧបករណ៍សម្រាប់ផលិតមួយចំនួនទៀត។
លោក ចាន់ ដា បានមានប្រសាសន៍ថា នៅក្នុងទីតាំងនោះកាលពីមុនជាកសិដ្ឋានចិញ្ចឹមជ្រូក តែក្រោយមកមានជនជាតិចិនតៃវ៉ាន់ ជនជាតិស្បែកសនិងកូឡុំប៊ី បានមកជួលដោយយកលេសថាចិញ្ចឹមជ្រូក ហើយជាងមួយខែមុនមានកុងតឺន័រមួយគ្រឿងបានដឹកឧបករណ៍ដែលផលិត សារធាតុញៀនចូលក្នុងកសិដ្ឋាន ហើយបានប្រាប់អ្នកយាមឃ្លាំងថា ជាឧបករណ៍សម្អាតកសិដ្ឋានចិញ្ចឹមជ្រូក ហើយអ្នកបច្ចេកទេសរបស់ពួកគេតែងតែមកពិនិត្យមើល៤ទៅ ៥ថ្ងៃម្តង។ លោក បានឲ្យដឹងទៀតថា៖ «យើងនៅមិនទាន់បានឃាត់ខ្លួនជនសង្ស័យទេ ហើយយើងកំពុងតែទាក់ទងម្ចាស់ដីដើម្បីមើលឯកសារជួល តែយើងបានដឹងអត្តសញ្ញាណជនទាំងនោះមួយចំនួនហើយ»។
លោក បានបន្ថែមថា នេះជាករណីបង្ក្រាបបទលើ្មសទ្រង់ទ្រាយធំលើកទីពីរហើយនៅ ក្នុងខេត្តកំពង់ស្ពឺ ដែលការបង្ក្រាបលើកទីមួយនៅក្នុងឆ្នាំ២០០៧ សមត្ថកិច្ចចម្រុះបានចុះឆែកឆេរនៅទីតាំងផលិតគ្រឿងញៀនមួយនៅឃុំ ត្រែងត្រយឹង ស្រុកភ្នំស្រួច ខេត្តកំពង់ស្ពឺ ដែលមានចម្ងាយពីទីនេះប្រមាណជា២គីឡូម៉ែត្រ ហើយបានប្រទះឃើញម៉ាស៊ីនផលិតគ្រឿងញៀន ម៉ាស៊ីនកិន និងសារធាតុលាយផ្សំមួយចំនួនដែលបញ្ជាក់ថា ទីតាំងនេះផលិតគ្រឿងញៀនមេតំហ្វេតាមីន។
កម្លាំងប៉ូលិស ប៉េអឹមប្រមាណជា៥០នាក់ត្រូវបានពង្រាយហ៊ុមព័ទ្ធទីតាំងដែលសង្ស័យ ថាជាកន្លែងផលិតគ្រឿងញៀននោះចាប់តាំងពីម៉ោង ៣ រសៀលថ្ងៃទី២ ខែកក្កដា រហូតដល់ម៉ោង ៩និង ៣០នាទីព្រឹក ថ្ងៃទី៣ ខែកក្កដាទើបអាជ្ញាធរចម្រុះបានចាក់សោរបងរបស់កសិដ្ឋានដើម្បីធ្វើ ការឆែកឆេរ ដោយនៅក្នុងបរិវេណកសិដ្ឋាននោះមានរោងធ្វើអំពីឥដ្ឋចំនួន៥ល្វែង ដែលផ្ទុកឧបករណ៍និងសារធាតុផ្សំផលិតគ្រឿងញៀន។
លោកម៉ែន សុផល នាយការិយាល័យបច្ចេកទេសនៃមន្ទីរប្រឆាំងគ្រឿងញៀននៃក្រសួងមហាផ្ទៃ ដែលបានចុះធ្វើការពិនិត្យ បានឲ្យដឹងថា តាមធ្វើការពិនិត្យសារធាតុផ្សំគ្រឿងញៀនជាច្រើន អាចសន្និដ្ឋានបានថាទីតាំងនេះ គឺជាកន្លែងផលិតគ្រឿងញៀនមេតំហ្វេតាមីន ហើយអាចធ្លាប់ផលិតនាំចេញ១ឬ២លើករួចទៅហើយ។ លោកបានឲ្យដឹងទៀតថា ៖ «អ្វីដែលយើងបារម្ភ គឺសារធាតុផ្សំដែលពួកគេបានចាក់កប់ចូលទៅក្នុងដីវាអាចបង្ក គ្រោះថ្នាក់»។
លោក មានប្រសាសន៍ថា កម្មករដែលធ្វើការនៅក្នុងកសិដ្ឋាននោះមិនស្គាល់ជាតិគីមីផលិត គ្រឿងញៀនទេ គាត់មានអាការហើមមុខក៍ទៅរកពេទ្យមើល ហើយពេទ្យថាពួកគេត្រូវរងនូវសារធាតុគីមីទើបពួកគេប្តឹងសម្ថកិច្ច ឲ្យចុះទៅត្រួតពិនិត្យ។ លោក បន្តថា ៖«ការភាយក្លិនចេញពីក្នុងកសិដ្ឋាននោះ គឺវាធ្វើឲ្យប៉ះពាល់សុខភាពផងដែរ ដូច្នេះពលរដ្ឋដែលរស់នៅក្បែរៗនោះត្រូវតែចៀសវាងការប្រើប្រាស់ ទឹកនៅក្បែរនោះ»។
ប្រាង រ៉ា អាយុ ៣០ ឆ្នាំ ដែលរស់នៅក្បែរកសិដ្ឋានចិញ្ចឹមជ្រូកបានឲ្យដឹងថា ក្រុមហ៊ុននេះទើបតែចាប់ផ្តើមធ្វើរបងអំពីឥដ្ឋប្រហែលជាជិត២ខែ ប៉ុណ្ណោះ តែគាត់មិនដឹងថាពួកគេធ្វើអ្វីនោះទេ ឃើញធ្លាប់មានកុងតឺន័រមួយធ្លាប់បើកចូលក្នុងបរិវេណកសិដ្ឋាន ប៉ុន្តែនៅក្នុងកសិដ្ឋាននោះពុំឃើញមានកម្មករច្រើនទេ។ អ្នកស្រី បានឲ្យដឹងថា ៖ «ខ្ញុំទើបតែដឹងថាអ្វីដែលធ្វើឲ្យគ្រួសារខ្ញុំរមាស់ គឺដោយសារតែសារធាតុគីមីចេញពីខាងក្នុងកសិដ្ឋាន ដែលត្រូវបានប៉េអឹមគេចុះមកហ៊ុមព័ទ្ធ កាលពីថ្ងៃម្សិលមិញ ពីមុនខ្ញុំស្មានតែកម្ទេចដែលធ្លាក់មកពីដំបូលផ្ទះ ខ្ញុំមិនដឹងសោះថាជិតផ្ទះខ្ញុំគឺជាកន្លែងផលិតគ្រឿងញៀន»។
គុជ រី អាយុ ៤៥ ឆ្នាំ ដែលជាអ្នកយាមដីនិងឃ្លាំងបានឲ្យដឹងថា ខ្លួនទើបតែមកយាមដីឲ្យគេបានចំនួនជិត២ ខែប៉ុណ្ណោះបន្ទាប់ពីរូបគេបានធ្វើរបងឲ្យកសិដ្ឋានរួចរាល់ហើយ។ ម្ចាស់ដីរបស់លោក គឺលោកឧកញ៉ាសុខ រ៉ាថន តែលោកពុំបានដឹងថានៅក្នុងកសិដ្ឋាននោះគេធ្វើអ្វីនោះទេគឺគេ គ្រាន់តែប្រាប់ថាចិញ្ចឹមជ្រូក។ លោក បានឲ្យដឹងថា ៖ «ខ្ញុំពុំបានដឹងថាកន្លែងខ្ញុំជាកន្លែងផលិតគ្រឿងញៀនទេ ពីព្រោះចិនគេប្រាប់ថាឧបករណ៍ទាំងអស់គឺសម្រាប់ចិញ្ចឹមជ្រូក»។
លោក ខៀវ សាម៉ន ប្រធានមន្ទីរប្រឆាំងគ្រឿងញៀននៃក្រសួងមហាផ្ទៃបានឲ្យដឹងថា លោកមិនទាន់ហ៊ានសន្និដ្ឋានថាទីតាំងនោះជាទីតាំងសង្ស័យផលិតគ្រឿង ញៀននៅឡើយទេ ពីព្រោះអ្វីៗស្ថិតនៅក្នុងការពិនិត្យនឹងកោសល្យវិច្ច័យនៅឡើយ ដូច្នេះប្រសិនបើហ៊ានធ្វើការសន្និដ្ឋានមុនវាធ្វើឲ្យប៉ះពាល់ ដល់កិត្តិយសរបស់គេ។ លោកបានឲ្យដឹងថា ៖ «វាគ្រាន់តែជាសារធាតុគីមី ដូច្នេះយើងមិនដឹងថាវាជាស្អីទេ សារធាតុគីមីជាច្រើនទើបអាចផ្សំជាគ្រឿងញៀនបាន»។
លោក សុខ រ៉ាថន មិនអាចទំនាក់ទំនងសុំធ្វើអធិប្បាយបានទេកាលពីម្សិលមិញ៕
No comments:
Post a Comment